Chwilio Cofnodion

Rhes y Saith Maen, Cwm Tawe Uchaf. 1981. (Image: CD2003_607_003 / NPRN: 84328) Castell Rhaglan, Rhaglan. (Image: DI2006_1138 / NPRN: 93387) Cloddio yng Nghastell Sycharth. O gasgliad Sycharth D.B. Hague. Diddyddiad. (Image: DI2006_0984 / NPRN: 306999)

Partneriaid

Comisiwn Brenhinol Henebion Cymru

Y Comisiwn sy’n cydlynu gwasanaeth CARN a byddwn ni hefyd yn cyfrannu iddo ein cronfa ddata, sef Cofnod Henebion Cenedlaethol Cymru. Gan fod y wybodaeth ar lefel mynegai yn CARN yn cynnig cyswllt â’r cofnodion llawnach sydd ar gael ar gronfa ddata Coflein, gall defnyddwyr gael gwybodaeth ddisgrifiadol am safleoedd, eitemau archifol cysylltiedig a chynnwys digidedig, gan gynnwys lluniau a dogfennau.

Cadw

Cadw sy’n gyfrifol am warchod a diogelu’r amgylchedd hanesyddol. Mae’n cyfrannu mynegai i’w gronfa ddata o Henebion Cofrestredig. Y gobaith yw y bydd y datblygiadau yn y dyfodol yn fodd i gynnwys ei gronfeydd data o Adeiladau Rhestredig a Pharciau a Gerddi Cofrestredig mewn porth i gofnodion am yr amgylchedd hanesyddol.

Amgueddfa Cymru

Mae Adran Archaeoleg a Niwmismateg Amgueddfa Cymru yn cyfrannu ei chronfa ddata o wrthrychau i’r mynegai. Caiff y wybodaeth ei chynrychioli ar ffurf cyfres o leoliadau darganfyddion ledled Cymru, ynghyd â rhyw arwydd o’r nifer o wrthrychau a gafwyd o bob safle.

Y Cynllun Hynafiaethau Cludadwy

Mae’r Cynllun Hynafiaethau Cludadwy yn cadw cofnod o’r gwrthrychau y cafwyd hyd iddynt gan y cyhoedd yng Nghymru a Lloegr. Mae CARN yn cynnwys mynegai i’r rhan o’r gronfa ddata honno sy’n ymwneud â Chymru.

Ymddiriedolaethau Archaeolegol Cymru

Mae pob un o bedair Ymddiriedolaeth Archaeolegol Cymru yn cadw cofnod o safleoedd a henebion eu tiriogaeth. Ymddiriedolaeth Archaeolegol Clwyd-Powys sy’n cadw’r cofnod ar gyfer gogledd-ddwyrain Cymru, Ymddiriedolaeth Archaeolegol Gwynedd sy’n ymdrin â’r gogledd-orllewin, Ymddiriedolaeth Archaeolegol Morgannwg-Gwent sy’n ymwneud â’r de-ddwyrain ac Archaeoleg Cambria sy’n gyfrifol am y gorllewin.

Cysylltau allanol